ગુજરાતમાં હવેથી પોલીસ સ્ટેશને નોંધાતા ફર્સ્ટ ઈન્ફર્મેશન રિપોર્ટ (FIR)ની એક કોપી મેળવવા રૂ.20નો ચાર્જ ચૂકવવો પડશે. FIRની નકલ ઉપરાંત 8 સેવાઓને 'ડિજિટલ સેવા સેતુ' હેઠળ આવરી લેવાઈ છે. ઈ-ગ્રામ કેન્દ્રો ઉપરથી તેનો લાભ મેળવનાર પાસેથી રૂ.20નો ચાર્જ લેવા આદેશો બહાર પડાયા છે. સામાન્ય રીતે પોલીસ સેવાઓમાં સત્તાવાર રીતે FIRની નકલ સહિતની સેવાઓ માટે કોઈપણ ચાર્જ વસૂલાતો ન હતો. રૂ.20માંથી રૂ.16 ગ્રામ કમ્પ્યુટર સાહસિક (VCE) અને રૂ.4 ગ્રામ પંચાયતને મળશે.
8 સેવાઓમાં સામેલ છે :
- ઈ–અરજી
- ડ્રાઈવરની નોંધણી
- ભાડુઆતની નોંધણી
- પોલીસ વેરિફિકેશન સર્ટિફિકેટ
- ઘરઘાટીની નોંધણી
- સિનિયર સિટિઝનની નોંધણી
- NOC સર્ટિ. ની નોંધણી
- FIRની નકલ